Op deze pagina staon stökskes van leeje, fans of andersoortige VIV's (very important venlonaere). Steur ze mich en (as ze ein bietje netjes zien) dan plaats ik ze. Ut meug euver alles gaon as ut maar wat met de kepél van doon haet. Of gewoén leuk is, is auk good.
4-1-2014:
Van: de Veurzitter.
Alleriérs winse weej idderein dao op deze site terech kump ein joeksig 2014 toe! Vaerder zién vandaag de optraejes veur de vastelaovend van 2014 beejgewerk. Kiék heej veur op ôzze agenda. We zeen ôs!
26-1-2013:
Van: de Veurzitter.
Veurgister is ôzze site live gegaon en ik môt zegge, de commentare zien euver ut algemein positief! Dao bin ik blie mei. Op dit moment zit ik in de kamer en haet mien dochter "As Jocushaan weer kreit" op staon. Heerlik nummer. Dao kriegse ech zin van in de vastelaovend. Netuurlik zitte weej d'r al middenin. Gister beej Jocus Toekôms gespeuld wao prinses Lonneke I oétkwaam, de dochter van collega veurzitter van de Mootwörm (wae kint um neet), Jack. Morge naor 't Ven wao weej in d'n optoch meetrekke. Haopelik werk ut weer mei en zien we verlos van iés en snieje. We zulle zeen. Vastelaovend saame!
31-12-2012:
Van: Sander.
Alleriers, de beste winse veur 2013.
2013, ein niej jaor. Ein jaor vol met nieje optreejes, kwante rippeties en veural vuuël kwats en muzikaliteit. 2013 starte weej geliek mit ein vol vastelaovesprogram. De leukste tied van ut jaor start veur os al hiël snel ein bom vol program steit os te wachte. Beej o.a. De Moeraskwaakers, de Törvers en Jocus Toekôms. Ein bom vol program zoe wie gezach, al is det veur de meiste van os absoluut neet verkierd aangezeen de gemiddelde boekumvang van ein kappellid van os tiedes de kersdaag met 4 cm is toegenaome. Det mot der weer allemaol aafgezweit gaon waere. Auk dit jaor zal ein van de hoëgtepunte van de vastelaovend weer zien op ein bomvolle parade tiedes de joekskapelle parade.
Nao de vastelaovend gooje weej de vastelaovesbukskes weer in de kas en kump os reguliere rippertwaar weer onder ein läögske stuf vandaan. Al vergaete weej de vastelaoves meziek en andere venloosche leedjes netuurlijk neet. Smeis wuurt der zoemaar op unne werme juni daag, of unne winderige oktoëber aovend ein vastelaovesleedje gespeuld waere tiedes ein optreeje. Weej komme ten slotte oet ut stedje van lol en plezeer en det zulle ze euveral wao weej komme auk weite!!!
Dit jaor waat vruuëger as andere jaor in verband met de sterre en dae kwats velt hemelvaartsdaag. Os tradisjoneele platzconsert beej de Steffesbrouwrie in Linz am Rhein. Hertelijk waere weej daor altied ontvange en veurzeen van ein hepke en uiteraard ein klepke of 2 3 4 .......
Uutersbliej zien weej dan auk det weej idder jaor truuk meuge komme. Auk kwant um altied te zeen door is deen Italiaanse maffiagreek met ziene antiekhandel. Al zien weej der nog neet oet wae det der noow antieker is hae of de kraom dae hae aan de straotstein neet kwiet wuurt.
Volgend hoeëgte punt is os jeurliks cultureel verantwoord oetstepke naor ein of ander dörpke aan de mittelmosel of de rien. Oftewaal de wienfeeste. Veur de ein ein hoeëgtepunt veur de ander dreej. Veur iddere daag eine. Sommige drinke zich ein lekker fleske wien, andere zörge der wie dan auk veur det ze ein lekker fleske weizen in eur bezit kriege. In 2012 haet den pakistaan in bernkastel mier weizen aan os verkoch dan aete aan de doëzende bezeukers van ut wienfees. Weej slaope auk dit jaor weer in ein 11 sterre hotel oftewaal eine jeugherberg, de bis tenslotte zoe jonk wie desse dich vuuels. Waat veur de meiste kapelleeje nog ein vraog is, is veur mich ein weit we gaon namelijk naor.................................... Te pruuses.
Nao os oetstepke werke weej waer toe naor sintermerte, en naor den 11 de van de 11de. Auk daen november daag is idder jaor ein kwant fees in kölle aan de rien. Weej zien dao de aafgelaupe 2 jaor op hoeskamerconcerttournee gewaes. De verhaole heejeuver zien neet te snappe asse der neet beej bis gewaes. Die zal ik och dan auk onthalde.
Zoe zal 2013 der ongevier veur os gaon oetzeen. Uiteraard met nog mier optreejes welke teruuk kint vinde in de agenda op dees sait.
2013 ein niej jaor.
Vol muziekaliteit en kwats.
26-12-2012:
Van: de veurzitter.
De kersmis zit d'r weer op. Ut waare weer ein paar daag van ongegeneerd bikke en buize. Now gaon we richting niejaor en daornao op naor de vastelaovend. Weej hebbe d'r zin in!!
15-10-2012:
Van: de veurzitter.
Umdet ik heej ein iérste berichje woel plaatse det euver de kepél geit doon ik det heejbeej. Daormei begriép ik det det neet ech aan de baovestaonde richliéne volduit, maar det zal mich eigelik wors zien. Ut zei gezach! De groete van de veurzitter.